საჰაერო თავდასხმა რომელმაც ხელი ვერ შეუშალა ირანელი მოჭიდავეების ასპარეზობას

საჰაერო თავდასხმა, რომელმაც ხელი ვერ შეუშალა ირანელი მოჭიდავეების ასპარეზობას

Sportstar-ის ინფორმაციით, საომარი პირობებისა და სპორტული მოედნების დაბომბვის მიუხედავად, ირანმა თავისუფალ და ბერძნულ-რომაულ ჭიდაობაში აზიის ჩემპიონატზე პირველი ადგილი დაიკავა.

Sportstar-ის მიერ გამოქვეყნებული სტატიის თანახმად საომარი ვითარების მიუხედავად  ირანელმა მოჭიდავეებმა რამდენიმე ოქროს მედალი მოიპოვეს.

გამოცემა ყურადღებას ამახვილებს ამირჰოსეინ ზარეზე. მან 125 კგ. წონით კატეგორიაში ბაჰრეინელი შამილ შარიფოვის 4:0 დამარცხების შემდეგ განაცხადა: „ეს ოქროს მედალი ჩემთვის ყველაზე ემოციური ჯილდოა. მიუხედავად ირანში არსებული რთული მდგომარეობისა, მე შევძელი ამ მედლის მოპოვება. ჩვენ ვამაყობთ ჩვენი ქვეყნით, და ეს სიამაყე ნაციონალიზმის განცდას გვიძლიერებს.  ჩემთვის დროშის აღმართვა მინიმუმია, რაც შემიძლია ჩემი ქვეყნისთვის გავაკეთო.“

მან ასევე დასძინა: „ ჩემი აზრით ქვეყანა სწორად მოიქცა და მის წინააღმდეგ განხორციელებულ ქმედებებს სათანადოდ უპასუხა. მე არ მსურს, რომ ჩემმა სამშობლომ დაკარგოს ერთი ციდა მიწაც კი, პირიქით, მინდა ჩემი ქვეყნის საზღვრები დაცული იყოს. ირანი ამ ომში გამარჯვებული იქნება.“

ამერიკისა და ისრაელის თავდასხმებმა მარტის დასაწყისში ათასობით მსხვერპლი და მთელი ირანის მასშტაბით ინფრასტრუქტურის ფართომასშტაბიანი ნგრევა გამოიწვია. ამას ვერც ირანის ჭიდაობის საზოგადოება გადაურჩა. აზიის ჩემპიონატამდე ეროვნული ნაკრების მოსამზადებელი შეკრება, რომელიც თავდაპირველად თეირანში უნდა ჩატარებულიყო, ირანის დედაქალაქის ინტენსიური დაბომბვის შემდეგ, მაზანდარანში, კასპიის ზღვის სანაპიროზე გადაიტანეს. დაბომბვების განადგურდა ასევე თეირანში მდებარე აზადის დახურული სტადიონი.

ირანის თავისუფალი ჭიდაობის ეროვნული ნაკრების მთავარი მწვრთნელი ფეჟმან დოროსთქარი ეხმიანება არსებულ სიტუაციას და აღნიშნავს, რომ მიმდინარე მოვლენების პარალელურად მართლაც რთული იყო წვრთნების ჩატარება.